Normalización Lingüística EPAPU Río Lérez

  Os nosos corredores falan todos os idiomas do mundo!  A finais de novembro, a EPAPU Río Lérez converteuse nun auténtico escaparate de linguas. O alumnado de Aprendizaxe de Español e o alumnado de  1º de ESPA presencial  encheron os nosos corredores de diversidade lingúística. Baixo o marco do proxecto " Tecendo Linguas " , traballamos a importancia de preservar e celebrar as linguas que cada alumno trae consigo ao centro. O resultado? Unha fantástica exposición de expresións en moitísimos idiomas. Grazas ao alumnado pola súa creatividade e por ensinarnos que, aínda que falemos diferente, todos compartimos o mesmo espazo de respecto e aprendizaxe.

  Neste 25N , na EPAPU Río Lérez, alzamos a voz para manifestar a nosa firme condena contra a violencia machista. Dentro do proxecto "Tecendo Linguas" , quixemos demostrar que, máis alá da nosa procedencia, a loita pola igualdade é universal. Baixo a premisa de que o respecto é a nosa lingua común , o alumnado colaborou representando a palabra MULLER en todos os seus idiomas de orixe. O resultado foi un mosaico multicultural onde o galego actúa como fío que une e protexe a diversidade. Porque non importa como o digas nin de onde veñas, o noso centro di NON á violencia contra as mulleres. #25N #EPAPURíoLérez #TecendoLinguas #Igualdade #Pontevedra #RespectoEnTodasAsLinguas